Bizimlə əlaqə: (012) 493-56-00
Bizimlə əlaqə: (012) 493-56-00 Az En
   Elektron xidmətlər
   İndeks və Ünvanların axtarışı
   Poçt göndərişlərinin izlənilməsi
   Məktub yazmaq
   Elektron Xidmətlər Portalı
   Elektron İmzası
   E-Ticarət
Xəbərlər
2 May 2013

Milli poçt operatoru ATM və POS-terminalların sayını artıracaq

 Milli poçt operatoru olan “Azərpoçt” MMC göstərdiyi bank xidmətlərinin çeşidini və sayını artırır.

Bir çox beynəlxalq pul köçürmələri sistemi, onların yerli və xarici nümayəndəlikləri ilə MMC-nin müvafiq qurumları arasında aparılmış danışıqlar nəticəsində artıq Bakı, Sumqayıt, Abşeron poçt filialları, bütün lisenziyası olan şöbələr “Contact”, “Migom”, “Caspian Money Transfer” Beynəlxalq pul köçürmələri sisteminə qoşulub və əhaliyə xidmət göstərməyə başlayıb.

Bundan başqa, Maliyyə Nazirliyi tərəfindən “Azərpoçt” MMC-yə Sığorta Agenti fəaliyyətinin həyata keçirilməsi üçün verilmiş lisenziyaya əsasən “Azərpoçt” MMC-nin ölkədaxili bütün poçt filiallarında (PF) icbari sığorta şəhadətnamələrinin satışı həyata keçirilir. Maliyyə xidmətləri çərçivəsində 61 PF və 1016 PŞ-də xüsusi lisenziya əsasında valyuta mübadiləsi xidməti də təşkil edilib.

Eyni zamanda, 9000-dən çox “MasterCard” loqolu əməkhaqqı kartı emissiya edilərək müştərilərə təqdim olunub. Cari il ərzində isə 12 000-ə yaxın plastik kartın emissiyası planlaşdırılır. “Azərpoçt” MMC müştərilərinin Beynəlxalq ödəniş sisteminin imkanlarından yararlanması məqsədi ilə “Visa İnternational” Beynəlxalq ödəniş sistemilə əməkdaşlıq çərçivəsində bütün “Visa” loqolu kartların terminallarda ekvayrinqinə şərait yaradılıb. Müştərilərin istək və arzularına uyğun olaraq “MasterCard” loqolu Plastik kartlar “Maestro”, “MC Standard”, “MC Gold”, “MC Platinium” olaraq təsnifləndirilib.

Bununla yanaşı, müştərilərə 70 ədəd POS-terminal və 14 ədəd ATM-lər vasitəsilə xidmət göstərilir. ATM-lər Bakı, Yevlax, Kürdəmir və Gəncə şəhərində quraşdırılaraq müştərilərin ixtiyarına verilib.

POS-terminallar isə respublika üzrə hər bir rayon üçün bir ədəd olmaqla Müştəri xidmətləri şöbəsində quraşdırılıb. 2013-cü il üçün ATM-lərin sayının 20-yə çatdırılması və regionlarda POS-terminalların sayının artırılması planlaşdırılır.

Bütün bunlarla yanaşı, “Maliyyə Xidmətlərinin İnkişafı” layihəsi üzrə nəzərdə tutulmuş 1132 poçt şöbəsinin mərkəzi serverə qoşulması məqsədilə zəruri texniki tədbirlər görülür. İndiyə qədər görülmüş tədbirlər nəticəsində isə Bakı şəhərində 137 PŞ, rayon poçt şöbələri üzrə 624 PŞ və 37 poçt agentliyinin vahid şəbəkəyə qoşulması təmin edilib.







14 Mar 2017 "PoçTap" sosial layihəsi çərçivəsində əməkdaşlıq memorandumu imzalanıb
Nəqliyyat, Rabitə və Yüksək Texnologiyalar Nazirliyi "Azərpoçt" MMC-nin reallaşdırdığı itirilmiş sənədlərin tapılaraq sahibinə qaytarılmasına xidmət edən "PoçTap" sosial layihəsi çərçivəsində əməkdaşlıq haqqında memorandum imzalanıb.
ətraflı >>

2 Mar 2017 İtirilmiş sənədlərin tapılaraq sahibinə qaytarılması üzrə PoçTap xidməti istifadəyə verildi
Nəqliyyat, Rabitə və Yüksək Texnologiyalar Nazirliyi Azərpoçt MMC tərəfindən reallaşdırılan yeni sosial layihə çərçivəsində PoçTap xidməti istifadəyə verilib. PoçTap itirilmiş sənədlərin tapılaraq sahibinə qaytarılmasına xidmət edir.
ətraflı >>

13 fev 2017 Azərbaycan Prezidentinin Sərəncamı ilə Nəqliyyat, Rabitə və Yüksək Texnologiyalar Nazirliyi yaradılıb
Prezident İlham Əliyev Azərbaycan Respublikasının Nəqliyyat, Rabitə və Yüksək Texnologiyalar Nazirliyinin yaradılması haqqında Sərəncam imzalayıb. Dövlətimizin başçısının digər Sərəncamı ilə Ramin Quluzadə nəqliyyat, rabitə və yüksək texnologiyalar naziri təyin edilib.
ətraflı >>

10 fev 2017 İlham Əliyev Bakıdakı 1 saylı poçt filialında yeni xidmət mərkəzinin açılışında iştirak edib
Rabitə və Yüksək Texnologiyalar Nazirliyinin əsaslı şəkildə yenidən qurulan 1 saylı poçt filialının yeni xidmət mərkəzinin açılışı olub. Azərbaycan Respublikasının Prezidenti İlham Əliyev və xanımı Mehriban Əliyeva açılış mərasimində iştirak ediblər.
ətraflı >>

25 Jan 2017 Rabitə və Yüksək Texnologiyalar Nazirliyi yeni elektron xidmət istifadəyə verdi
Elektron hökumət portalında 36 xidməti ilə təmsil olunan Rabitə və Yüksək Texnologiyalar Nazirliyinin Poçt ünvanları - interaktiv xəritə adlı daha bir elektron xidməti portala inteqrasiya olundu.
ətraflı >>

16 Dec 2016 Azərbaycanda telefon rabitəsinin yaradılmasının 135 illiyi ilə əlaqədar keçirilən müsabiqə və yarışların qalibləri mükafatlandırılıb
Bu gün Rabitə və Yüksək Texnologiyalar Nazirliyində rabitə və informasiya texnologiyaları sahəsi işçilərinin peşə bayramı Azərbaycanda telefon rabitəsinin yaradılmasının 135 illiyi ilə əlaqədar keçirilən müsabiqə və yarışların qaliblərinin təltifetmə mərasimi keçirilib.
ətraflı >>

1 Dec 2016 Prezident İlham Əliyev Bakutel 2016 sərgisi ilə tanış olub
Noyabrın 30-da Azərbaycan Respublikasının Prezidenti İlham Əliyev və xanımı Mehriban Əliyeva XXII Azərbaycan Beynəlxalq Telekommunikasiya və İnformasiya Texnologiyaları sərgisi - \"Bakutel-2016\" ilə tanış olublar.
ətraflı >>

5 Nov 2016 Azərpoçtda yeni xidmət
Rabitə və Yüksək Texnologiyalar Nazirliyi Azərpoçt MMC yeni sosial layihəyə başlayır.
ətraflı >>

25 Oct 2016 Rabitə və Yüksək Texnologiyalar Nazirliyində 9 ayın yekunlarına dair müşavirə keçirilib
Rabitə və Yüksək Texnologiyalar Nazirliyində (RYTN) cari ilin 9 ayının yekunlarına dair müşavirə keçirilib. İclasda Rabitə və yüksək texnologiyalar naziri Ramin Quluzadə, nazir müavinləri, müşavirlər, şöbə müdirləri, tabeli qurum və müəssisələrin rəhbərləri iştirak edib, bir çox qurumlarla canlı videokonfrans əlaqəsi yaradılıb.
ətraflı >>

10 Oct 2016 Azərbaycan Ümumdünya Poçt İttifaqının ali orqanına üzv seçildi
Rabitə və yüksək texnologiyalar naziri Ramin Quluzadənin rəhbərliyi ilə Azərbaycan nümayəndə heyəti Ümumdünya Poçt İttifaqının İstanbulda keçirilən 26-cı Konqresi çərçivəsində təşkil olunan Nazirlər Konfransında iştirak edib.
ətraflı >>



Alış Satış
1.7950 1.8750
1.6550 1.7100
0.0292 0.0300
GBP 2.1100 2.2300
SDR 1 SDR 2,3309